Martesa e Adelina Tahirit me avokatin maqedonas, Serjoza Markov, nuk u prit shumë mirë nga publiku. Në një intervistë për emisionin e Big Mamës, “Mama’s trip”, Adelina është përlotur teksa ka treguar gjendjen e vështirë që ka kaluar. Ajo ndër të tjera ka pranuar se është kërcënuar, madje edhe familja e saj. Kjo ka qenë arsyeja pse Adelina nuk publikonte foto të fëmijës.
“Kam pasur kërcënime nga shqiptarë, nga maqedonas, kam pasur kërcënim fëmijën tim. Për këtë arsye nuk e publikoja fëmijën. Ka qenë shumë e vështirë. Ndihem shumë keq kur e kujtoj. Nuk e di a është mëkat të duash dikë”, u shpreh Adelina e prekur.
Këngëtarja shtoi se tani është shumë e lumtur, dhe vogëlushi i ka dhënë motiv të ecë përpara. “Tani jam shumë e lumtur. Familja dhe burri më kanë mbështetur. Fëmija më ka dhënë motiv të vazhdoj. Ne sa jemi të mirë si popull, jemi edhe të poshtër ndonjëherë. Unë i kuptoj, janë të mllefosur nga e kaluara, por nuk jam unë fajtore. Ishte diçka më e fortë se unë”, tha Adelina.
