Situata nga koronavirusi vijon të jetë e rëndë në Holandë, teksa në 24 orët e fundit janë shënuar 165 viktima. Kështu numri total i personave që kanë humbur jetën nga COVID-19, në Holandë ka shkuar në 3,916.
Sipas të dhënave të përditësuara nga Instituti Kombëtar holandez për Shëndetin Publik dhe Mjedisin (RIVM), me 729 raste të reja në 24 orët e fundit, numri i përgjithshëm i të infektuarve nga COVID-19 arriti në 34,134.
Ende nuk ka një informacion të mirëfilltë se sa është numri i personave, që janë shëruar nga koronavirusi në Holandë. Ndërkohë, më shumë se 1 mijë pacientë të shtruar në spital janë në gjendje të rëndë për jetën.
Më shumë se 2,5 milionë njerëz nga e gjithë bota janë prekur nga COVID-19, ndërsa mbi 171 mijë persona kanë humbur jetën.
