E hënë, 20 Shtator, 2021
28.5 C
Tirana

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e lajmeve, Kyodo.

Organizatorët e Tokio 2020 thanë se dy sportistët kanë shkelur rregullat e vendosura kundër COVID-19.

Ky është rasti i parë i përjashtimit të atletëve që prej se Olimpiada në Tokio nisi më 23 korrik, tha zëdhënësi i komitetit organizativ, Masanori Takaya.

Një zyrtar nga Komiteti Olimpik i Gjeorgjisë, tha se nga Olimpiada janë përjashtuar dy medalistët e bronztë Vazha Margvelashvili, 27 vjeç dhe Lasha Shavdatuashvili, 29 vjeç. Ky zyrtar tha se dy xhudistët kishin dalë jashtë Fshatit Olimpik për t’u takuar “me një të njohur të tyre” i cili jeton në Japoni.

“Kur ata dolën jashtë Fshatit, askush nuk i ndaloi te dalja. Prandaj, ata menduan se mund të largoheshin nga Fshati Olimpik”, tha ky zyrtar për AFP-në.

“Ata dëshironin që të dilnin në ajër të pastër, të relaksoheshin pas një dite të mundshme të garave”, tha ky zyrtar i cili ka folur në kushte anonimiteti.

Organizatorët e Tokio 2020 thanë më 31 korrik se ata më 29 korrik ndërmorën masa disiplinore ndaj të paktën një pjesëmarrësi në Olimpiadë, por nuk identifikuan personat e përfshirë në këtë rast.

Takaya gjatë një konference për media tha se ky ishte një rast i rëndë i shkeljes së rregullave dhe se shkelësit nuk do të lejoheshin të hynin në ndërtesat e Olimpiadës.

Ndërkaq, zyrtari nga Komiteti Olimpik i Gjeorgjisë tha se dy atletëve u është hequr akreditimi më 29 korrik dhe se ata tashmë janë kthyer në Gjeorgji.

Që të dy atletët e përjashtuar kishin humbur në finale nga dy xhudistë japonezë.

Në Tokio 2020, atletët testohen çdo ditë për COVID-19 dhe ata duhet të respektojnë rregulla strike kundër koronavirusit. Atletët po ashtu duhet të largohen nga Japonia 48 orë pasi kanë përfunduar garimin e tyre në Olimpiadë.

Atletët po ashtu nuk lejohen të përdorin transportin publik dhe mund të largohen nga Fshati Olimpik vetëm kur duhet të marrin pjesë në gara./REL

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...