Një 40-vjeçar nga Elbasani është arrestuar ditën e sotme në Tetovë të Maqedonisë, pasi u përfshi në një përplasje me armë në këtë qytet ku mbeti i vdekur një person dhe u plagosën dy të tjerë.
Lulzim Bitri, mendohet se është autori i cili u përfshi në një përleshje të armatosur, mes dy grupeve kriminale e si pasojë e të shtënave mbeti i vdekur në vend Naim Rexhepi.
Nga shkëmbimi i zjarrit dy të tjerë u plagosën mbrëmjen e të enjtes në Reçicë të Vogël, shumë pranë selisë së Bashkimit Demokratik për Integrim, raporton Gazeta Shqiptare.
Mbi 40-vjeçarin nga Elbasani rëndon akuza e vrasjes, e kryer në bashkëpunim. Po ashtu ndaj Lulzim Bitrit, që është lënë në paraburgim për 30 ditë sa të zhvillohen hetimet rëndon edhe akuza për mbajtjen e armëve të zjarrin dhe mjeteve shpërthyese.
