Ndërkohë që na ndajnë pak orë nga fillimi i procesit të votimit, një komisioner i Lëvizjes Socialiste për Integrim është dhunuar nga persona ende të paidentifikuar.
I dhunuari është transportuar në spitalin e traumës, ku ka marrë edhe ndihmën e parë siç bëhet e ditur edhe nga videoja e publikuar nga vetë Lëvizja Socialiste për Integrim në faqen e saj zyrtare në Facebook.
Ngjarja ka ndodhur në Kashar, ku përfaqësuesi i LSI-së, i njohur si Ylli Murati do të ushtronte ditën e sotme edhe funksionin e komisionerit të kësaj force politike.
Sa i përket kësaj ngjarjeje, policia bën të ditur se ka bërë identifikimin e autorëve por pa përmendur emra. Ndërkohë që po punon edhe për shoqërimin e tyre.
Në orët në vazhdim pritet të publikohen detaje të tjera lidhur me këtë ngjarje të rëndë që i paraprin procesit të votimit.
https://www.facebook.com/levizjasocialisteperintegrim/videos/1614035995276319/
