Një aksident i rëndë ka ndodhur mëngjesin e sotëm, ku ka mbetur e vdekur një pasagjere dhe janë plagosur rëndë tre persona të tjerë.
Në aksin rrugor Elbasan- Peqin, në fshatin Murras, mjeti tip ”Skoda”, me drejtues shtetasin A.I., rreth 45 vjeç, banues në Kuçovë, Berat është përplasur me mjetin tip “Skoda” me drejtues shtetasin N.H., si dhe me mjetin tip “Benz” me drejtues shtetasin R.B., banues në Maqedoninë e Veriut.
Si pasojë e aksidentit ka ndërruar jetë shtetasja G.I.,43 vjeçe, banuese në Kuçovë, Berat e cila ishte pasagjere në mjetin tip “Skoda”, si dhe janë plagosur të tre drejtuesit e mjeteve, jashtë rrezikut për jetën.
Lidhur me këtë aksident fatal, grupi hetimor ndodhet në vendngjarje dhe po punon për zbardhjen e shkakut të aksidentit.
