Ndërsa avioni i fundit amerikan u largua nga Afganistani, kishte ende qytetarë amerikanë dhe afganë të kualifikuar që përpiqeshin të hynin në aeroport, thanë zyrtarët.
Në një konferencë shtypi më herët, gjenerali McKenzie, kreu i forcave amerikane konfirmoi se kishte rreth 100-250 amerikanë që ose nuk mund të arrinin në aeroport në kohë, ose nuk mund të hipnin në një aeroplan.
Një veteran i ushtrisë amerikane i cili thotë se po ndihmonte në koordinimin e shpëtimeve nga shtëpia e tij në Konektikat, tha se talebanët nuk pranuan të lejonin që shumë të kalonin në fund. Ai kishte qenë në kontakt me shumë prej tyre, shkroi ai në Twitter.
“Talebanët refuzuan të bashkëpunojnë jashtë portave”, tha ai.
BBC nuk i ka verifikuar në mënyrë të pavarur pretendimet e tij.
Alex Plitsas, veterani, ka thënë gjithashtu se ai është ende duke u kontaktuar nga amerikanët që dëshirojnë të dalin jashtë, por disa nuk ishin regjistruar tek autoritetet amerikane. “Ne nuk mund t’i shpëtojmë njerëzit që nuk i dimë se janë atje”, tha ai.
Burimi i lajmit: BBC. Përshtatur nga Tirana Today
