Ka përfunduar takimi i 6 përfaqësuesve të naftëtarëve me ministrin Gjiknuri, por duket se ata nuk kanë arritur një marrëveshje.
Kjo pasi ministri u ka propozuar atyre që paga e nëntorit t’u kalojë sot, ndërsa për pagat e prapambetura të diskutohet pas Vitit të Ri.
Sipas ministrisë, administratori i kompanisë do të marrë kredi për kalimin e pagave të nëntorit të naftëtarëve, por këta të fundit nuk kanë rënë dakord me këtë vendim, teksa kërkojnë të marrin edhe rrogat e prapambetura dhe t’u paguhen edhe sigurimet shoqërore.
“Nuk jemi dakord me këtë vendim, duam të gjitha pagat e prapambetura! Ça do bëjmë? Do rrimë këtu, do vdesim! Nuk lëvizim nga vendi. Kryeministri na premtoi që do na ndihmonte, madje tha se do na paguhej edhe siguracioni, por deri tani asgjë nuk është bërë, nuk ikim nga këtu”, tha një nga protestuesit.
