Ka përfunduar takimi i ambasadorit të Bashkimit Evropian, Luigi Soreca me kreun e Partisë Demokratike, Lulzim Basha dy ditë pas vendimit për djegien e mandateve. Duket se në fokus të takimit ka qenë protesta e nesërme që do të mbahet nga opozita përpara Kuvendit dhe që pritet të nisë në orën 10:00.
Duke folur për mediat, Soreca tha shkurt se nesër është një ditë e rëndësishme, ndërsa pret që të mos ketë dhunë.
“Nesër është një ditë e rëndësishme, presim të mos ketë akte dhune dhe që protesta të jetë paqësore ku prevalojnë elementët demokratikë”, tha shkurt ambasadori i BE në Tiranë, pas përfundimit të takimit.
