Ka përfunduar para pak minutash takimi i dytë i kreut të PD-së me ish-kryeministrin Sali Berisha.
Takimi zgjati rreth 50 minuta dhe u zhvillua në zyrën e ish-kryeministrit.
Basha u takua për herë të dytë me Berishën, pasi zhvilloi dy takime më parë edhe me aleatët parlamentarë, për të diskutuar platformën McAllister, e cila konsiston në arritjen e një marrëveshjeje mes Ramës dhe Bashës.
Kreu i PD-së duket se është konsultuar me Berishën para se të japë një përgjigje zyrtare nëse do të pranojë këtë platformë, e cila ndër të tjera konsiston në shtyrjen e zgjedhjeve.
