Ka përfunduar me sukses takimi mes dy ministrave në Kretë. Ministri i Jashtëm i Greqisë, Nikos Kotzias priti homologun e tij, Ditmir Bushatin për të zhvilluar bisedime në Kretë më 10-12 nëntor 2017, duke u fokusuar në çështjet e hapura dypalëshe.
Në takim, u pranua rëndësia e dialogut në zgjidhjen e çështjeve që deri tani kanë qenë të pazgjidhura dhe kanë vijuar për një kohë të gjatë. Po ashtu palët ranë dakord për hapat e mëtejshëm që duhen ndërmarrë për të arritur rezultate pozitive duke u mbështetur në vlerat dhe normat evropiane, në të mirë të dy vendeve dhe popujve të tyre.
Gjithashtu, në kuadër të këtyre zhvillimeve u ra dakord që ministrat të takohen sërish në Shqipëri në vijim, në mënyrë që të vlerësojnë progresin e arritur dhe të vendosin për hapat e mëtejshëm konkret përpara.
