Ka përfunduar pas 8 orësh intervistimi i kreut të BDI-së, Ali Ahmeti, nga prokurorët e Speciales.
Ahmeti, i cili u intervistua në cilësinë e dëshmitarit, nuk dha asnjë prononcim për mediat pas daljes nga zyra e Prokurorit.
Intervistimi i ish-pjesëtarit të UÇK-së, Ali Ahmeti, filloi në orën 9 e 30 të mëngjesit të së mërkurës, ndërsa do të vazhdojë edhe për dy ditët në vazhdim.
Kreu i BDI e mori ftesën nga Specialja në muajin korrik të këtij viti, teksa ai shprehu gatishmërinë e menjëhershme për t’u paraqitur përpara Zyrës së Prokurorit të Specializuar.
