Lulzim Basha thirri sot në një mbledhje urgjente grupin parlamentar të PD-së, për të diskutuar rrjedhjen e votave në favor të zgjedhjes së Gramoz Ruçit në krye të Kuvendit.
Fillimisht në orën 11:00 u mblodh kryesia e grupit parlamentar, ndërsa pas saj, u mblodh grupi parlamentar në 12:00-13:55.
Mësohet se Berisha dhe kryetari aktual Basha kanë dënuar rrjedhjen e votave brenda PD-së, ndërsa Berisha është shprehur i ashpër teksa ka thënë se nuk duhet të falin ata që votuan pro Ruçit.
Gjithashtu, raportohet e Berisha ika “tërhequr veshin” Salianjit, teksa i ka thënë që të mos prononcohet herë tjetër, ndërsa Basha ka kritikuar Grida Dumën.
“Mos u prononconi pa mbledhje grupi. Kush del në emër të grupit, merr miratimin e grupit”, ka thënë Berisha, raporton BalkanWeb.
“Votimi i Ruçit është e pafalshme, duhet analizuar kjo çështje, s’mund të ndodhë. Të vendosim rregulla, kam dalë me kokën ulur nga parlamenti”, ka thënë Berisha.
Në mbledhje gjithashtu u diskutua edhe programi i qeverisë “Rama II” që do të prezantohet nesër.
