Përfundon marrja në pyetje e kreut të Bashkisë së Krujës, Artur Bushi. Ky i fundit ka folur shkurt për median pasi ka dalë nga Prokuroria.
Bushi ka mohuar akuzat e nënkomisar Nuhut, ndërsa ka thënë se ‘shpjegoi me detaje se si është e vërteta’.
Madje, kryebashiaku ka akuzuar si fajtor ish-kryeministrin Berisha për të gjithë bujën e kësaj çështjeje.
Ju mohoni që keni qenë aty ditën e ngjarjes?
Në mënyrë kategorike po, nuk kam qenë aty.
Keni prova për ta faktuar?
Po kam prova, janë sinjalet telefonike, do të shikoni dhe dëshminë e atyre që kanë qenë në komisariat, sepse komisariati nuk është bosh ditën që punohet. Është totalisht e sigurt që asnjëri prej nesh nuk ka qenë në komisariat.
Pse përflitet emri juaj?
Është gjithmonë vazhda baltës që hedh nga Saliu, kundër meje.
Bushi u akuzua nga ish-nënkomisar Nuhu se e ka kërcënuar këtë të fundit që të mbyllë çështjen e djalit të deputetit të PS-së, Rrahman Rraja.
