Vetëm pak orë përpara sfidës së kthimit në çerekfinalet e Kupës së Shqipërisë me Apoloninë, Kukësi i jep fund bojkotit për pagat e prapambetura.
Pasi refuzuan të zhvillonin stërvitje gjatë së hënës, futbollistët u rikthyen nën urdhrat e trajnerit Orges Shehi.
Për të ndryshuar situatën në skuadër, shërbeu premtimi i Presidentit Gjici, se pagat e muajit Shkurt do të shpërndahen shumë shpejt.
Problemet me rrogat e katër muajve të fundit lidhen me situatën e krijuar prej pandemisë dhe ndërprerjen e kampionatit, por edhe me ecurinë larg pritshmërive të ekipit në kampionat.
Pas rikthimit të diferencës me 9 pikë nga Tirana kryesuese, Kukësi tashmë do t’i përqendrojë forcat tek Kupa, për të mos e mbyllur sezonin pa trofe, shkruan “A2”.
