Godina e Bashkisë së Durrësit është përfshirë ditën e sotme nga flakët.
Sipas burimeve për “BalkanWeb”, raportohet se zjarri ka rënë në katin e parë të ndërtesës, ndërkohë që nga zjarri rrezikohen edhe disa dokumentacione që gjenden brenda në Bashki.
Forcat zjarrfikëse kanë shkuar menjëherë në vendngjarje, për të shuar flakët.
Nuk ka ende informacione nëse zjarri ka qenë i qëllimshëm apo aksidental, por hidhen dyshime se flakët mund të jenë përhapur nga një shkëndijë elektrike. Sakaq, policia po punon për zbardhjen e plotë të rrethanave.
