Ngjarja e rëndë që ndodhi në Kosovë, ku një 11-vjeçare u përdhunua, solli reagime të shumta nga personazhe publikë. Jo vetëm kaq por kjo ngjarje ngjalli reagimin e institucioneve dhe organizatave për mbrojtjen e të drejtave, të cilat kanë ngritur alarmin për numrin e lartë të dhunimeve ndaj vajzave.
E ndërsa sot, Kolektivi për Mendim dhe Veprim Feminist mbajti një protestë simbolike pranë Këshillit Prokurorial të Kosovës. Aktivistët kërkuan nga Këshilli Prokurorial të shkarkojë prokurorin Ruhan Salihu dhe kryeprokurorin e Prokurorisë Themelore të Prishtinës, Kujtim Munishi. Protestat do të mbahen deri në shkarkimin e prokurorit, Ruhan Salihiu dhe kryeprokurorit Kujtim Munishi.
