Është hedhur shorti për 2 ndeshjet gjysmë-finaliste të Ligës së Kombeve, ku 4 kombëtare kanë njohur kundërshtarët e tyre. Në short morën pjesë Italia, Belgjika, Franca dhe Spanja që kanë fituar grupet përkatëse të Ligës A.
Italia do të përballet me Spanjën, ndërsa Belgjika dhe Franca do të kërkojnë mes tyre finalen. Ndeshjet gjysmë-finaliste do të luhen më 6 dhe 7 tetorit të 2021, ndërsa finalja luhet më 10 tetor.
Të dyja ndeshjet do të luhen në Itali, në stadiumin “San Siro” dhe “Allianz Stadium”, me shpresën se deri atëherë do të jetë larguar pandemia dhe mund të luhen me tifozë.
6 tetor/ Itali-Spanjë “San Siro”
7 tetor/ Belgjikë-Francë “Allianz Stadium”
