Ish-kryeministri Sali Berisha është shprehur se de do e paguajë ai faturën e avokatit francez që do ta mbrojë përballë Sekretarit Amerikan të Shtetit, Antony Blinken. Deklarata e Berishës u bë mbrëmjen e sotme në emisionin ”Zonë e Lirë” në Tv Klan.
Berisha tha se fatura do paguhet prej tij dhe prej familjes së tij, me një kontribut të përbashkët.
I pyetur se çfarë çmimi i ka dhënë Jean-Yves Le Borgne, Berisha tha se ende nuk e ka mbyllur një marrëveshje pagese me të.
Sali Berisha: “Atë do e paguajë Sali Berisha. Si familje, me një kontribut të përbashkët. Çfarë çmimi? Nëse do të më lejojë avokati dhe do të pranojë, sigurisht do ta bëj edhe publike çmimin”.
Kush është avokati francez i Berishës?
Jean-Yves Le Borgne, 71 vjeç kryeson Shoqatën e Avokatëve Penalë të Francës, dhe ka mbrojtur në gjykatat e këtij vendi shumë personalitete të larta politike si ish-kryetarin e Parisit Jean Tiberi, ish drejtorin e kabintetit të Jacques Chirac dhe biznesmenë të mëdhej si ish bosin e Renault, sipërmarrësin Carlos Ghosn.
Ai konsiderohet politikisht në Francë si një golist me prirje nga e majta, dhe disa herë a tentuar të hyjë në politikë. Ende nuk dihet se si ai do të mbrojë çështjen e një qytetari shqiptar që akuzon antërin e një kabineti amerikan, në një shtet të tretë si Franca.
