Deputeti i PS-së, Musa Ulqini së fundmi ka rënë pre e kamerës së fshehtë, mirëpo pas videos së transmetuar nga Ismet Drishti, natyrshëm lind pyetja:
“Kjo është për të qarë apo për të qeshur”?
Gjithçka fillon me një bisedë telefonike mes Musa Ulqinit dhe Ismet Drishtit, i cili është një prej emrave më të njohur në vend për kamerat e fshehta.
Drishti, i prezantohet deputetit socialist si një doktor dhe i thotë që duhet të paraqitet pranë Institutit të Shëndetit Publik në mënyrë që të bëjë testin e koronavirusit.
Mirëpo, takimi si përfundim, ndodh në mes të rrugës dhe për më tepër deputetit i jepet për të dezinfektuar duart një parfum automjetesh.
Ndërkohë, nga ana e Musa Ulqinit s’pati asnjë reagim të tipit habitës dhe sikur të mos mjaftonte kjo, pranoi nga “doktori”, (Ismet Drishti) edhe një lëpirëse.
“Unë që jam çun i ri, dua ta bëj tamponin”, dëgjohet të thotë më pas deputeti.
Për më tepër, shikoni videon e mëposhtme:
