Në përpjekje për të luftuar emigrimin e paligjshëm, qeveria franceze pritet të vendosë sistemin e kuotave për emigrantët duke nisur që nga viti 2020.
Synimi i këtij ligji është që në bashkëpunim me punëdhënësit në Francë, të identifikohen ato industri ku mungojnë kandidatë të kualifikuar dhe ku të huajt mund të bëhen pjesë.
Sakaq, kryeministri Edouard Philippe pohoi se ligji do të bazohet tek sistemi i pikëve siç ndodh në Kanada apo Australi.
Një akt i tillë merret për të mirën e Francës, për të punësuar njerëzit bazuar në nevojat që ky vend ka, shprehet ministrja Muriel Pénicaud.
Masat e reja mund të përfshijnë kufizime për emigrantët që marrin me vete edhe anëtarët e familjes.
