“Arrest me burg” është masa e caktuar nga Gjykata e Korçës për dy shoferët, të cilët aksidentuan për vdekje me makinë tre ditë më parë babë e bijë.
Gjykata vendosi “arrest me burg” për Petrit Kupe, 61-vjeç, banues në Drithas, si edhe Laurenc Pallashi, 29-vjeç, banues në Zerec. Në këtë aksident tragjik humbën jetën 32-vjecari Sokol Hoxha, si dhe vajza e tij 6-vjeçare, të cilët po ecnin në trotuar.
“Arrestimi i dy shoferëve u bë pasi në unazën e qytetit të Korçës, duke drejtuar respektivisht mjetin tip “Volkswagen” me targa AA837JU, dhe mjetin tip “Benz” me targa AA831AA, janë përplasur me njëri-tjetrin, dhe kanë dalë nga rruga. Duke sjellë si pasojë vdekjen e shtetasit Sokol Hoxha, 32 vjeç dhe të vajzës së tij, shtetases P.Hoxha, 6-vjeçe, banues në Korçë, të cilët kanë qenë duke ecur në trotuar”, thuhej nga policia për arrestimin e dy shoferëve.
