Ministrja e Mbrojtjes Olta Xhaçka është përplasur sot në Komisionin e Sigurisë me deputetin e Partisë Demokratike, Myslim Murrizin.
Ky i fundit e akuzoi Artur Meçollarin si spiun, ndërsa iu drejtua edhe ministres me fjalët se “po t’u futem dosjeve që kam unë, po të vije seancën tjetër dëgjimore del ndonjë fije edhe për babanë tënd”.
Kjo ka shkaktuar reagimin e menjëhershëm të Xhaçkës, e cila i kërkoi deputetit që të matet mirë kur flet për babanë e saj.
“Këto goditjet nën brez alla kohës së xhaxhit kanë kaluar, nuk më impresionojnë më. Për babanë tim laj gojën mirë kur të flasësh. Nuk jetohet sot me kohët e vjetra. Dëgjo këtu. Nuk kemi ardhur t’i shtojmë intelektit tuaj informacion mbi biografinë e Meçollarit. Kjo ka qenë kërkesa juaj, jo fjalët e pazarit. Certifikatën në 2011 e ka marrë ai drejtori që ju flisni dhe merrni këto thashethemet. Nuk ka pasur prova në ngarkim të Meçollarit”, tha ministrja.
