Një tregtar rrobash është grabitur në qytetin e Peqinit. Nga të dhënat e para mësohet se një çift bashkëshortësh, kanë lidhur e më tej dhunuar tregtarin Skënder Beqiri, 75-vjeç.
Ngjarja në fjalë ka ndodhur gjatë natës, në qendër të Peqinit, në shtëpinë e tregtarit. Policia ka shkuar tashmë në vendin e ngjarjes, ndërsa kanë nisur nga hetimet e para, për të identifikuar dhe kapur autorët.
Grabitësit e kanë kërcënuar me jetë tregtarin, ndërsa i kanë marrë sendet me vlerë dhe lekët. 75-vjeçari ndodhet në gjendje të rëndë në spital.
