Cristiano Ronaldo është duke vuajtur mungesën e golave këtë sezon me Real Madrid, por edhe interesimi i drejtuesve për të sjellë në Madrid një lojtarë me karakteristikat e tij e kanë bezdisur yllin portugez. Ronaldo nuk ka rinovuar edhe kontratën me “los blancos” dhe kjo të bën të mendosh se ky do te jetë sezoni i fundit i tij në kryeqytetin spanjoll.
Në një intervistë të dhënë për CNN, ish-lojtari i Real Madrid njëkohësisht edhe bashkëkombësi i CR7, Pepe i ka bërë thirrje që ti bashkohet atij tek skuadra e Besiktas. “Dua që Ronaldo të vijë në …Beshiktash!”– kjo është dëshira e portugezit Pepe që gjithmonë a shprehur konsideratat më të larta për yllin portugez.
“Nëse do të mund të zgjidhja dhe nëse do të ishte e mundur, natyrisht që do të doja që Cristiano të vinte këtu. Ai është një person për të cilin kam respektin maksimal. Kur Besiktas erdhi tek unë me ofertën dhe projektin, tërhoqi menjëherë interesimin tim. Shumë njerëz nisën të më shkruanin mesazhe në rrjetet sociale, mua, gruas time dhe njerëzve përreth meje. Nuk mund t’i ktheja kurrizin gjithë këtij interesimi. Kam kaluar shumë kohë në Spanjë dhe Portugali, por këtu është sikurse nuk kam provuar kurrë më parë. Turqit jetojnë me futbollin. Është një pasion i tyre. Ata e tregojnë me dashuri dhe afeksion për ekipin e tyre”-u shpreh Pepe. Kujtojmë që Pepe e ka quajtur Kristianon “më të kompletuar” se lojtarin e Barcelones Mesi.
