Gjatë fjalës së tij në Samitin e Kartës së Adratikut, zv/presidenti amerikan Mike Pence tha se ishte i nderuar të merrte pjesë në këtë takim, për të cilin u shpreh se është dërguar personalisht nga Presidenti Donald Trump.
Pence theksoi progresin e bërë nga vendet e Ballkanit Perëndimor, ndërsa siguroi se Trump dhe SHBA-të do të vazhdojnë të përkrahin secilin shtet të këtij rajoni për të ardhmen e përbashkët.
“Është nderi im të jem këtu sot për të festuar progresin e Ballkanit Perëndimor në Samitin historik të Kartës së Adriatikut. Presidenti i SHBA, Donald Trump më dërgoi këtu personalisht si një shenjë për përparësinë që kanë bërë vendet e Ballkanit Perëndimor.
Ballkani perëndimor ka treguar se të gjithë janë të veçantë me kulturë, tradita dhe se të gjithë e meritojnë të jenë të mbrojtur. Karta e Adriatikut është e veçantë për Evropën dhe Trump me SHBA do të vazhdojnë të përkrahin çdonjërin prej juve për të ardhmen e përbashkët.
Karta e Adriatikut është vizion i qartë që SHBA-të janë të përkushtuar për Evropën e Lirë, si Malin e Zi, Maqedoninë, dhe vendet tjera që janë anëtare. Po ashtu edhe për Kosovën e Serbinë si vëzhguese.
SHBA do të angazhohet që të eleminohen të gjitha pengesat që Kosova të bëhet anëtare e plotë e Kartës së Adriatikut dhe për të ardhme në NATO. SHBA vazhdon të përkrahë dialogun mes Kosovës dhe Serbisë për normalizim të marrëdhënieve e për fqinjësi të mirë. SHBA është mirënjohëse për luftimin e terrorizmit dhe përgëzon suksesin në parandalimin e sulmeve terroriste të planifikuara në territorin e Shqipërisë, të Maqedonisë e të Kosovës”, ka shtuar ai.
