Ish-ministri i Bujqësisë, Niko Peleshi, është thirrur sot në Prokurori. Burimet bëjnë me dije se sot në orën 12.00, pritet të pyetet lidhur me skandalin e pesticideve, i publikuar në media disa javë më parë.
Peleshi pritet të paraqitet sot në Prokurori, për t’u marrë në pyetje mbi skandalin e ‘Silicon Mix’.
‘Silicon Mix’ ishte bllokuar nga AKU, por me një urdhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat. Skandali është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin.
