Mes lotësh, profesor Jani Marka, i cili u përzu dhunshëm nga protesta e studentëve, është prononcuar për mediat. Marka i cili është edhe anëtar i Lëvizjes për Universitetin, tha se donte të fliste për dhunën, por kjo gjë i ndodhi atij. Ai tha se e keqja nuk janë ata, dhe se korrupsioni vlon diku tjetër. Më tej pedagogu shtoi se ai kishte shkuar për t’iu bashkuar studentëve që të fliste kundër dhunës, por ndodhi krejt e kundërta.
“Unë u dhunova. Çfarë kisha bërë unë që hëngra grushte aty? Unë jam 30 vjeç. Më quajnë mua të Sorosit. Unë kam protestuar kundër te gjithëve, kundër Veliajt për Ardit Gjoklajn.
Këta e kanë vjedhur këtë vend. Pse jam unë i korruptuar? Se shkoj përditë në këmbë në shtëpi te “Rruga e Durrësit”? Duhet ta kuptoni se nuk jemi ne e keqja, ne s’kemi marrë asnjë tender.
Ne maksimumi posti më i lartë është pedagog. Shkova të flas kundër dhunës dhe hëngra grushta. Këta nuk ishin studentët. Këta ishin ata te forumeve të partive.
Ne do i demaskojmë një nga një. E vërteta do dalë. Unë kam ngrënë grushta moj, si nuk më lanë të flisja. Unë fola gjatë. Arsyetoni çfarë kam bërë unë si njeri dhe pse meritoj të zbohem.
Unë do flisja kundër dhunës, dhe ajo që do thoja është ti krijonim njëri-tjetrit hapësirë dhe do flisja për problemet e universitetit. Ne jemi Lëvizja për Universitetin, dhe kemi qëndrimin e vetëm për universitetin. Unë do flisja për dhunën. Dhunë janë edhe tarifat. Protesta ishte e jashtëzakonshme dhe kështu uroj të jetë. Ftoj edhe PD që ka ushtruar dhunë gjatë gjithë këtyre ditëve, të tërheqë eksponentët. Unë shkova të flas dhe hëngra grushte”, tha pedagogu.
https://tiranatoday.com/ik-ik-shporru-qe-ketu-pedagogu-shperthen-ne-lot-sjam-vegel-e-veliajt/
