Sindikata e Punonjësve të Universiteteve ka vendosur që më 17 tetor të bojkotojë mësimin deri kur kërkesat e tyre të dëgjohen nga qeveria. Kjo datë përkon me nisjen e vitit të ri akademik, ku procesi mësimor do të bojkotohet. Sipas Sindikatës, protesta e pedagogëve do të bëhet edhe çdo ditë pas të hënës përpara fakulteteve. Këto protesta ditore do të jenë 2-orëshe, nga ora 10:00 deri në 12:00.
Pedagogët thanë se në orën 08:00 deri në orën 10:00 do të bëhet prezantimi i studentëve të rinj në universitete dhe në orën 10:00-12:00 stafi do të dalë jashtë oborreve të Fakultetit.
Më pas protestat do të mbahen në varësi të reagimeve nga qeveria.
