Partia Demokratike dhe i gjithë Koalicioni Opozitar mirëpresin ftesën institucionale të presidentit Nishani për dialog, në funksion të zgjidhjes së krizës së rëndë politike që ka mbërthyer Shqipërinë.
Reagimi i PD-së edhi pas ftesës së Presidentit të Republikës, ende në detyrë, Bujar Nishani, i cili i bëri sot thirrje opozitës që të ulet në një tryezë për bisedime. Ftesës së presidentit iu përgjigj më parë pozitivisht dhe kryeministri Rama.
“Ndonëse shkaktari i kësaj krize Edi Rama me veprimet dhe qëndrimet e tij ka vendosur interesin e tij vetjak para interesave të qytetareve shqiptare, opozita dhe Partia Demokratike kanë kërkuar gjithmonë rrugën e dialogut të vërtetë dhe jo fasade për t’u bashkuar përmes zgjidhjes së ofruar, në luftën kundër krimit, drogës, korrupsionit dhe kthimit të shtetit në garnizon elektoral të pushtetit, që kërcënojnë asgjesimin e zgjedhjeve, demokracisë dhe stabilitetit”, shkruhet në deklaratën e PD-së
Partia Demokratike dhe Koalicioni Opozitar rikonfirmojnë gatishmërinë e tyre, duke iu përgjigjur pozitivisht ftesës së presidentit Nishani.
