Burimet nga PD bëjnë me dije se kjo forcë është e angazhuar për të përgatitur një rezolutë, në mbështetje të qëndrimit të forcave politike në Kosovë, për mos ndryshimin e kufijve.
Rezoluta e Partisë Demokratike mbështet fuqimisht ruajtjen e formës unitare të qeverisjes në Republikën e Kosovës.
“Rezoluta e Partisë Demokratike, mbështet fuqimisht ruajtjen e formës unitare të qeverisjes në Republikën e Kosovës”, thuhet në deklaratë.
Rezoluta që po përgatit Partia Demokratike, mbështet fuqimisht reformat që sigurojnë anëtarësimin e Kosovës në NATO, dhe Bashkimin Europian.
Presidenti i Kosovës, Hashim Thaçi dhe homologu i tij serb, Vuçiç, do të zhvillojnë raundin e ri të bisedimeve më 7 shtator. Të dy presidentët, kohët e fundit kanë folur për mundësinë e korrigjimit të kufirit mes dy shteteve, e cila, sipas presidentit Thaçi, mund të jetë pjesë e marrëveshjes eventuale të paqes mes Prishtinës dhe Beogradit.
Kuvendi në Kosovë është mbledhur në një seancë të jashtëzakonshme për emërimin e Ekipit Negociator për Normalizimin e Marrëdhënieve mes Serbisë dhe Kosovës.
