Sot shënohen 19 vjet nga vrasja e ish liderit të PD-së, Azem Hajdari. Partia Demokratike po zhvillon homazhe në Memorialin e Azem Hajdarit, pranë ish-selisë së PD-së.
Por, duket se vetë njerëz të afërt të Hajdarit do i bojkotojnë këto homazhe. E tillë është anëtarja e Kryesisë së PD-së, Endira Bushati, e cila shkruan se nuk mund ta vizitojë memorialin e Azemit në atë orë, teksa shton se nuk mund të shohë njerëz që kurrë nuk e njohën teksa i bëjnë homazhe.
Jo vetëm kaq, por Bushati shkruan se disa prej demokratëve do e përdorin Azem Hajdarin, duke i bërë homazhe.
“Jo, unë nuk mund të vij në atë orë, kur do të të përdori Azem”, shkruan ndër të tjera Bushati.
