Partia Demokratike nuk ka qëndruar duarlidhur pas ngjarjeve të ndodhur ditën e protestës, por edhe pas saj, ku 10 deputetë të opozitës po procedohen penalisht. Mësohet se partia më e madhe opozitare ka kallëzuar në Prokurori kreun e Kuvendit, Gramoz Ruçin.
Motivi i kallëzimit është pretendimi i PD-së për “shpërdorim detyre”, për pengim të ushtrimit të detyrës dhe për ushtrim dhune ndaj deputetëve të PD-së. Bëhet fjalë për kaosin e krijuar në Kuvend 2 ditë më parë, kur u zgjodh kryeprokurorja Arta Marku mes tymueseve, ndërsa menjëherë pas kësaj, Ruçi ka ndërprerë seancën.
Më herët sot, deputeti Edi Paloka, referuar deklaratave të Ruçit për dhunën në Kuvend, u shpreh se më parë ka ndodhur që deputetët e opozitës janë vrarë dhe sulmuar fizikisht brenda ambienteve të Parlamentit.
“Gramoz Ruci paska deklaruar se dhuna e ushtruar te henen ne Parlament, nuk ka precedente ne 27 vjet. Ne keto 27 vjet ka ndodhur qe deputete te opozites jane vrare dhe sulmuar fizikisht brenda parlamentit. Por si asnjehere ne keto 27 vjet, kriminelet, vrases, trafikante droge dhe prostitutash, u ngriten ne piedestal si anetare te Parlamentit”, tha Paloka.
