Në emisionin “Xing me Ermalin” është rikthyer edhe një herë sherri mes Robert Berishës dhe Tunës. Më herët ka qenë Roberti ai që ka deklaruar se nuk shkon as për ditëlindje të familjes së vëllait, për shkak të Tunës.
Sakaq, vëllai i Robertit, Patrisi, ka folur për herë të parë për këtë situatë. Ai tha se njerëzit janë shumë kuriozë, por secili duhet të shohë punën e tij.
“Secili njeri ka të drejtë të shprehet dhe të thotë mendimin e tij. Ne e kemi një thënie në Kosovë: ‘Heta i shikon punët e veta’. Kështu që secili duhet të shohë shtëpinë e vetë, gruan e vetë.
Unë shoh gruan time. Nuk bie pre e mediave, dhe as portaleve. Jam shumë krenar për Tunën që ka ditur të menaxhojë situata të tilla. Sulmet e mediave dhe në asnjë moment nuk e ka humbur përqëndrimin si nënë.
Ne themi me shaka ‘vëllau si shkjau, kur do të nënçmosh serbin. I themi shkjau, dhe e kemi me shaka këtë. Vëllai ka vendin e vetë, gruaja vendin e vetë. Unë kam familjen time. Për mua më e rëndësishme është gruaja dhe djali im se çdo gjë tjetër në botë. Tuna dhe Tiani janë dy personat më të rëndësishëm në jetën time, me gjithë respektin për të gjithë familjarët”, ka thënë ai.
I pyetur më tej se a do e hidhnin pas krahëve një sherr të tillë, Patrisi u përgjigj: ‘Ne nuk jemi në luftë, as në gjak. Çdo çudi ndodh tre ditë. Shpresoj që kjo të mbyllet dhe të harrohet’.
