Pak minuta pasi Kryesia e Partisë Demokratike vendosi që gara për kryetarin e kësaj partie të zhvillohet vetëm mes Lulzim Bashës dhe Eduart Selamit ka reaguar Astrit Patozi.
Patozi u shpreh se pretendimi i Kryesisë është i gabuar pasi nuk ka asnjë rregull që kërkonte dorëzimin e dokumenteve për t’u regjistruar në garë.
“Nuk ka qenë një rregull për këtë, dhe unë jam i bindur, por edhe nëse do të ishte, unë nuk do ta paraqisja. Kjo çështja dorëzove formularin apo jo është groteske. Kjo është finalizim i një vullneti për ta çuar drejt një farse elektorale që tani është ngjarje e sigurtë”, u shpreh ai.
Ish-numri dy i PD-së e konsideroi këtë si “më keq sesa farsë”. Ai tha se do të vazhdojë së bashku me mbështetësit e tij përpjekjet për të futur procesin e zgjedhjes së kryetarit, sipas tij, në shinat statututore.
Patozi u shpreh se do të vazhdojë së bashku me mbështetësit e tij përpjekjet për të futur procesin e zgjedhjes së kryetarit, sipas tij, në shinat statututore.
Po ashtu, ai u shpreh se ka patur përpjekje për marrëveshje nga ana e Bashës.
“Nuk kanë qenë të paktë njerëzit e zotit basha që më kanë propozuar që basha është i prirur që të ketë një marrëveshje dhe të vazhdojmë përpara. Nuk kam hyrë në këtë garë për ambicie personale për pushtet. Nuk kam patur kurrë një agjendë personale”, u shpreh ai.
