Ju të gjithë keni dëgjuar për qentë e policisë. Po për patat e policisë? Nga viti 2013, 12 stacione policie në një zonë rurale të Kinës, kanë filluar të përdorin patat si roje patrulle. Patat janë kafshë vigjilentë, dhe mund ta pikasin shpejt çdo keqbërës.
Tek e fundit, dikur ishin patat ato që njoftuan natën romakët, për mbërritjen e barbarëve në muret e qytetit të Romës, duke e shpëtuar këtë të fundit. Edhe pse kjo tendencë nuk është përhapur në të gjithë Kinën, policia e Donguan pretendon se patat kanë penguar të paktën një vjedhje.
