Kryeministri britanik, Boris Johnson është shprehur se koronavirusi mund të ketë ndikuar në shikimin e tij.
Në një konferencë për mediat ditën e djeshme, Johnson u shfaq me syze duke u shprehur se kishte probleme me shikimin.
“Më duhet të mbaj syze. Mendoj se problemi me shikimin mund të jetë për shkak të koronavirusi”, tha ai.
Johnson u infektua me COVID-19 disa javë më parë dhe për shkak të përkeqësimit të shëndetit të tij, u dërgua në spital. Megjithatë ai u shërua plotësisht dhe vijon qeverisjen e Britanisë së Madhe.
Disa media shkruajnë se problemet e tij me shikimin datojnë që në 2014-n, ku në një intervistë u shpreh se kishte probleme me sytë.
Kujtojmë se mjeku që ndihmoi në shërimin e tij, është shprehur se të gjithë ata që shërohen nga koronavirusi mund të kenë efekte anësore të shëndetit.
