Ministri i Infrastrukturës dhe Transportit në Kosovë, Pal Lekaj ka autorizuar kompanitë e angazhuara për mirëmbajtje të rrugëve që të nisen në drejtim të Shqipërisë. Me qëllim për të ndihmuar ekipet e shpëtimit.
Deri më tani, në vendin tonë kanë arritur 6 kompani, të udhëhequra nga zyrtarët e Ministrisë.
Tërmeti/ Forcat e kërkimeve nga Kosova, me ‘arsenal’ pajisjesh në Thumanë
Kjo lëvizje është kryer në dakordësi me ministren e Infrastrukturës dhe Energjisë, Belinda Balluku. Si dhe pas iniciativës së kryeministrit në detyrë, Ramush Haradinaj që të ndihmohet Shqipërinë me të gjitha kapacitetet e mundshme.
