Kreu i PDS-së Paskal Milo deklaroi sot se Partia Demokratike ndodhet në ditët më të këqija që është parë ndonjëherë. I ftuar në rubrikën “45 Minuta” në Report TV, Milo deklaroi se e vetmja zgjidhje për ringritjen saj është reformimi i partisë dhe nëse ai nuk ndodh në mënyrën e duhur, ai thotë se “në vend që të vihen vetulla mund të nxirren sy”.
“PD ndodhet në ditët më të këqija të saj sa i përket organizimit, pasi dimë që ka pasur dhe përplasje nga brenda. Pa pasur një program të qartë PD nuk mund të pretendojë të kthehet në pushtet.
PD tani ndodhet në një fazë që kërkon reformim për ringritje. Por nëse kjo nuk ndodh në vend që mund të vihen vetulla mund të nxirren sytë. PD-së i duhet shumë investim organizativ dhe programor që të marrë veten”, – u shpreh Paskal Milo.
