Prej pothuajse dy muajsh, këngëtarja Elvana Gjata është shpallur në kërkim nga policia shqiptare, pasi është një nga personat që ka informacione për vrasjen në ish-Bllok.
Pas përleshjes ku u përfshi edhe i dashuri i saj, këngëtarja u zhduk duke mos lënë asnjë gjurmë. U aludua se ajo ishte arratisur në Britaninë e Madhe, e më pas u tha se ndodhet në Gjermani. Por, ende nuk dihet saktësisht se ku ndodhet këngëtarja.
Edhe pse shumë aktive në rrjetet sociale, Elvana ka qëndruar larg këtyre të fundit pas bujës së lajmit të vrasjes në ish-Bllok.
Së fundmi, ajo u bë ‘e gjallë’ në Instagram, teksa ndoqi deputetin e PS-së, Jurgis Çyrbja.
Por, pas shpërndarjes masive të këtij lajmi, Elvana ka bërë një tjetër veprim të papritur. Ajo ka vendosur të mos u lërë mediave asnjë mundësi për ta vënë në qendër të lajmeve, duke e mbyllur llogarinë e saj në Instagram.
