Franca i dha një leksion të mirë Italisë një natë më parë në miqësoren e luksit të zhvilluar në Nice e cila përfundoi 3-1 në favor të “gjelave”. Futbollisti Kylian Mbappe zhvilloi një ndeshje mjaft të mirë edhe pse nuk arriti të dërgonte topin në rrjetë. Pas ndeshjes ai u ndal të flasë për gazetarët, ku foli edhe rreth talentit më të madh të momentit në botë.
“Për mendimin tim, Ousmane Dembele është futbollisti i ri më i mirë i planetit. Uroj të luajë në krah të tij në Rusi.”-tha Mbappe. Sulmuesi i PSG-së ka thurur lavde për shokun e tij në Kombëtaren e “Gjelave”. Lojtari i Barcelonës shënoi mbrëmë ndaj Italisë golin e tretë për Francën dhe natyrisht ai ishte goli më i bukur i sfidës.
