Gazetari investigativ Artan Hoxha i ka ‘shtrirë dorën’ inspektorit që shpërndau foton e ish-efektivit të policisë, Santiago Malkos në media. Hoxha i “lutet” inspektorit që nxori foton e Malkos, por që deri tani nuk është identifikuar, që të nxjerrë edhe të dhëna lidhur me emrat e atentatorëve. Mesazhi mjaft ironik është përcjellë në rrjetin social Facebook, ndërsa gazetari shkruan se 120 inspektorë policie në gjithë vendin janë vënë nën hetim.
Statusi
Nje lutje per ate inspektorin e policise qe hyri ne sistemin TIMS pa “leje” per tu dhene foton e te ndjerit Santiago, gazetareve.
Deri sa jane vene ne hetim 120 inspektore policie ne gjithe vendin per nxjerrje sekreti, do te thote qe nuk te kane identifikuar akoma se kush je. Pash zotin, futu dhe njehere ne sistem dhe shiko se mos na ndihmon me fotot e autoreve te atentatit dhe te dhenat e tyre…
Kam pershtypjen se duhet ti keni rifreskuar fotot dhe te dhenat e tyre kriminale para 5 muajsh…
Atentati mafioz ndaj Santiago Malkos dyshohet se kishte kohë që ishte organizuar. Por për realizimin e tij, organizatorët kanë porositur vrasës me pagesë. Këto janë konkluzionet në të cilat ka dalë grupi hetimor, në sajë të hetimeve të kryera për të zbardhur ekzekutimin e ish-efektivit të policisë.
