Rexhep Koçi, i cili është shef i Departamentit të Sizmologjisë, ka deklaruar se pas tërmetit të 26 nëntorit janë shënuar mbi 2 mijë e 100 pasgoditje. Ai ka vënë re çarje të tokës apo dalje të ujit në formë shatërvani, dukuri që i cilëson normale pas një lëkundje të fuqishme si ajo me magnitutë 6.4.
“Me çarje nga disa cm deri në gjysmë metri, dhe me shfaqjen e fenomenit të daljes së ujit. Është një fenomen i njohur në trojet që kanë sediment të butë dhe me prani të ujit. Kjo është manifestuar në disa fshatra në veri të qytetit të Durrësit”, ka thënë ai për “Ora News”.
Por sa do zgjasë periudha me paslëkundje?
“Kjo periudhë zgjat nga një muaj deri në disa muaj. Ne presim që aktiviteti sizmik të jetë normal, dhe me një instesitet gjithmonë dhe më i ulët”.
Për të monitoruar paslëkundjet, nga Kavaja deri në Lezhë janë instaluar 30 sizmometër. Informacionet e mbledhura do të japin më tepër informacion për goditjen kryesore.
“Me informacionin që këto do të japin, do të merren të dhëna më të imtësishme përsa i përket aktivitetit sizmik”.
