Ish-ministri i Drejtësisë, Ylli Manjani i dha sonte një këshillë publike kryeministrit Edi Rama që ky i fundit të shkarkojë nga posti i ministrit të Brendshëm Xhafajn.
I ftuar në emisionin ‘Studio e Hapur’ në “News24” Manjani deklaroi se Xhafaj moralisht duhet të japë dorëheqje. Ish-ministri i LSI-sw sqaroi se Rama mund ta mbajë në kabinet, por ai nuk duhet të jetë në detyrën e ministrit të Brendshëm, pasi është institucion në kolaps.
Ndërkohë, Manjani u takua sot në mëngjes me ambasadorin amerikan “Donald Lu”, duke deklaruar se kanë sqaruar të gjitha mosmarrëveshjet(lajmin e plotë lexoje këtu).
“Në Shqipëri, në politikën shqiptare, njerëz që kanë ndikim në jetën administrative, u kërkojnë mesazh të tjerëve se çfarë bëjnë. Historia e vëllait të zotit Xhafaj është histori e vjetër. Them se janë dy histori. Është histori e përfolur në publik dhe lë vend për dyshime. Ka dyshime se pse kjo praktikë nuk gjendet në organet shqiptare. Ça ka ndodhu me ekstradimin? Çështja është këtu; kjo këshillë i takon kryeministrit të vendit, ja them me dashamirësi. Ai duhet ta shkarkojë ministrin e Brendshëm. Mund ta mbajë në kabinet, por ai nuk duhet të jetë në detyrën e ministrit të Brendshëm, pasi është institucion në kolaps. Morali me të cilën Policia e Shtetit dhe Xhafaj bëjnë arrestime dhe përplasin në mënyrë të poshtër njerëz të zakonshëm dhe opozitën, nuk harrojnë të izolojnë njerëzit e tyre. Ndaj i takon kryeministrit që nëse do të bëjë reformën në drejtësi, ai është momenti që të ndërhyjë. Ai aludon edhe me ambasadorët, po kjo nuk ka rëndësi. Nuk janë aq të pavëmendshëm ambasadorët. Xhafaj mund të jetë anëtar i këtij kabineti, se nuk meriton më shumë, por jo në krye të Ministrisë së Brendshme. S’ka asnjë lloj morali”, tha Manjani.
