Familja e Loredana Zefit është në zi. Teksa gjendet prej tre javësh nën hetim nga prokuroria e Zvicrës, pas akuzave për mashtrim, Loredana ka humbur një prej njerëzve më të shtrenjtë, të atin.
Lajmin e hidhur e ka përcjellë me anë të një postimi në Instagram. Ajo ka zbuluar disa foto të vjetra bashkë me babain, dhe njërën prej tyre e postoi bashkë me një dedikim shumë prekës.
“Është dita e babait, por ti je larg. E megjithatë, të ndiej thellë në zemrën time”, shkruan Loredana.
Për vdekjen e babait të saj, ka reaguar edhe bashkëshorti Mozzik, i cili është mjaft i trishtuar nga kjo humbje.
“O baba Lush, pusho në paqe. Zoti ta mëshiroftë shpirtin tënd të mirë e të butë. Do të kujtoj sa të jem gjallë”, ka shkruar Mozzik në fotografinë e baba Lushit.
Kjo humbje vjen në një kohë të vështirë për çiftin, pas skandalit për mashtrimin e shtetases zvicerane, çështje që po gjykohet nga autoritetet.
