Mijëra qytetarë në Liban, të zemëruar me liderët politikë, kanë dalë në rrugët e këtij shteti për të protestuar – vetëm katër ditë, pasi një shpërthim i fuqishëm la të vdekur të paktën 154 persona në Bejrut.
Disa protestues u përleshën me policinë, që përdori gaz lotsjellës ndaj tyre, raporton BBC.
Shpërthimi në Bejrut më 4 gusht dyshohet të ketë ndodhur pas shpërthimit të amonit të nitratit, që ishte ruajtur në një hangar në portin e Bejrutit.
Qeveria është zotuar se përgjegjësit për këtë shpërthim do të dalin para drejtësisë.
Por, në Liban ka shumë mosbesim ndaj autoriteteve dhe që prej tetorit të vitit të kaluar, në këtë shtet janë mbajtur protesta anti-qeveritare për shkak të krizës ekonomike.
Qytetarët në Bejrut do të marshojnë sot edhe në zonën e shkatërruar nga shpërthimi në pjesën ku ndodhet porti i qytetit, shkruan “Rel”.
