Pas ndërprerjeve të energjisë elektrike në disa zona të qytetit, UKT njofton se do ketë edhe kufizime të pjesshme me ujë.
Sipas UKT-së, shkak për këtë janë bërë reshjet e dendura të rëna gjatë natës, të cilat kanë turbulluar ujëmbledhësin e Bovillës.
Ndërkohë, Ujësjellësi i Kanalizimeve të Tiranës u bën thirrje qytetarëve të tregojnë kujdes me përdorimin e ujit të pijshëm gjatë ditës së sotme.
Sipas inxhinierëve dhe specialistëve tanë në terren, furnizimi normal me ujë do të rinisë në orët e mbrëmjes.
Ujësjellësi i Tiranës, në njoftimin e shpërndarë për mediat shkruan:
Kufizime të pjesshme të furnizmit me ujë, pas turbullirës së ndodhur në ujëmbledhësin e Bovillës
Ujësjellësi i Tiranës njofton qytetarët se gjatë ditës së sotme do të ketë kufizime të pjesshme të furnizimit me ujë në disa zona të Tiranës. Shkak për këtë është bërë turbullira në ujëmbledhësin e Bovillës, si pasojë e reshjeve të dendura që kanë rënë gjatë natës.
Thatësira prej më shumë se pesë muajsh dhe intensiteti i lartë i reshjeve prej 115 mm, kanë shkaktuar këtë gjendje në ujëmbledhësin, prej të cilit furnizohet me ujë një pjesë e mirë e qytetit.
Në këto kushte, deri në stabilizimin dhe kthjellimin në ujëmbledhës, Ujësjellësi Tiranë u kërkon qytetarëve të tregojnë kujdes me përdorimin e ujit të pijshëm gjatë ditës së sotme.
Sipas inxhinierëve dhe specialistëve tanë në terren, furnizimi normal me ujë do të rinisë në orët e mbrëmjes.
Kërkojmë mirëkuptimin e qytetarëve deri në stabilizimin e situatës së furnizmit me ujë.
Ujësjellës Kanalizime Tiranë
