Pas protestës, e cila u mbyll me disa persona të lënduar, mes tyre edhe deputetja e LSI-së, Floida Kërpaçi, mësohet se ambasadori amerikan Donald Lu ka pasur një komunikim me Monika Kryemadhin.
Ka qenë vetë kryetarja e LSI-së ajo që e ka bërë të ditur këtë komunikim, ndërsa ka dhënë edhe detaje nga biseda.
E ftuar në emisionin e gazetares Ilva Tare, Kryemadhi tha se ambasadorin Lu e ksihin gënjyer duke i thënë se përfaqësues të LSI kishin goditur Policinë.
“Kam komunikuar përmes email, i thashë zoti ambasador të kanë gënjyer se ne nuk e kemi goditur policinë, ai person që ka goditur policinë të ndalohet dhe arrestohet. Sot policia kishte kamera për të parë për çdo polic që ka goditur dhe ai që ka goditur të ndalohet. Dhe e falënderoj që ishte i drejtpërdrejt në komunikim, se nuk e ka për detyrë fare të komunikojë me mua dhe kur i thashë se më vjen shumë keq që nuk reagove për gjakosjen e deputetes Floida Kërpaçi…”.
