Irlanda do të rifillojë përdorimin e vaksinave AstraZeneca për të gjithë personat mbi 18 vjeç.
Lajmi është konfirmuar nga Komuniteti Kombëtar Këshillues i Imunizimit, shkruan The Guardian.
“Irlanda do të rifillojë përdorimin e vaksinës AstraZeneca brenda ditësh për të gjithë ata të moshës 18 vjeç e lart. Por marrësit duhet të informohen se ngjarje shumë të rralla, të komplikuara të mpiksjes janë raportuar në një numër të vogël njerëzish që kanë marrë kohët e fundit vaksinën AstraZeneca,”-ka thënë Komiteti Kombëtar Këshillues i Imunizimit.
Të dielën e kaluar, Irlanda ndaloi shpërndarjen e vaksinave AstraZeneca, pas raportimeve se shkaktonte mpiksje gjaku.
