Pas Fatmir Mediut, personazhi i radhës do të jetë Nard Ndoka ai i cili do të djegë mandatin e tij. Kryerepublikani Fatmir Mediu dogji sot në mënyrë simbolike mandatin e deputetit. Gjatë mesditës së sotme, ai iu drejtua Kryesisë së Kuvendit, ku edhe ka firmosur dorëzimin e mandatit.
Mediu i bashkohet kështu vendimit të opozitës së bashkuar, për të mos pasur më mandat parlamentar, por duke u rreshtuar përkrah qytetarëve në betejën për zgjedhje të lira dhe të ndershme. Po kështu, një tjetër deputet i opozitës, Nard Ndoka, pritet të djegë mandatin e tij menjëherë pas kthimit nga Brukseli. Ndoka e konfirmoi një gjë të tillë pak ditë më parë.
Një tjetër deputete që ndodhet jashtë shtetit dhe që nuk ka firmosur ende djegien e mandatit është edhe Rudina Hajdari. I vetmi që doli kundër vendimit të demokratëve ishte Myslim Murrizi, por Kryesia e PD vendosi ta përjashtonte nga radhët e saj pas këtij vendimi.
Opozita ka nisur një lëvizje protestash masive për të larguar Edi Ramën, dhe krijuar një qeveri tranzitore, e cila do çojë vendin në zgjedhje të parakohshme.
